शसस्त्र प्रहरीद्धारा लागू औषधसहित सुनसरीबाट तीन जना पक्राउ

सुनसरीः शसस्त्र प्रहरीले लागू औषधसहित सुनसरीबाट तीन जनालाई पक्राउ गरेको छ ।
सुनसरीको कोशी गाउँपालिका–१ स्थित सीमा ईलाका वेलाहाबाट आज बिहिबार रामधुनी नगरपालिका–२ धमौरा बस्ने २४ वर्षिय शिवसंकर चौधरी उनको साथबाट ५ ग्राम २१ मिलिग्रामसहित पक्राउ परेका छन् ।
  त्यसै गरि धरान उपमहानगरपालिका–५ बस्ने २७ वर्षिय बुुस्तन लिम्बु र धरान उपमहानगरपालिका–११ बस्ने २५ बर्षिय संगीता तामाङ्को साथबाट ८ ग्राम ७ सय ६० मिलिग्राम खैरो हेरोईनसहित बुधबार विओपी लौकहीबाट खटिएको शसस्त्र प्रहरीको टोलिले नियन्त्रणमा लिएको सशस्त्र प्रहरी बल नेपाल नम्बर ४ गण.हेडक्वाटर सुनसरीले जनाएको छ ।
पक्राउ परेकाहरुलाई जिल्ला प्रहरी कार्यलय सुनसरीमा राखि अनुसन्धान भईरहेको छ । पछिल्लो समय लागुऔषध नियन्त्रणमा शसस्त्र प्रहरी बल सक्रियतापुर्वक लागि परेको देखिएको छ ।
  चैत महिनामा मात्र शसस्त्र प्रहरी बलले सुनसरीबाट २३ दशमलब ९३ ग्राम ब्राउन सुगर लागुऔषध गाजा ६ केजि र स्पास्मो प्रोक्सिभन १२० ट्याब्लेटसहित १३ जनालाई नियन्त्रणमा लिएको सशस्त्र प्रहरी बल नेपाल नम्बर ४ गण हेडक्वाटर सुनसरीले जनाएको छ ।