धरानमा ७ औं मिस्टर “भिजन बेन्च प्रेस इन्क्लाइन प्रेस डेडलिफ्ट च्याम्पियनसिप”

धरानः भिजन जिमको आयोजनामा सम्पन्न ७ औं मिस्टर भिजन बेन्च प्रेस/इन्क्लाइन प्रेस डेडलिफ्ट च्याम्पियनसिप २०८१ को प्रतियोगितामा विभिन्न तौल समूहमा खेलाडीहरूले आफ्नो प्रदर्शन गर्दै उपाधि जितेका छन्। 

निर्णायकको भूमिकामा केशब श्रेष्ठ, सिता  राई र बिक्रम लिम्बु रहेका थिए।कार्यक्रममा ७० के.जी. बेन्च प्रेसमा शम्भु भुजेलले पहिलो स्थान हासिल गरे भने राजु राई दोस्रो र दिपेश लिम्बु तेस्रो भएका थिए।

७० के.जी. इन्क्लाइन प्रेसमा राजु राई पहिलो, शम्भु भुजेल दोस्रो र गोपाल सुवेदी तेस्रो स्थानमा रहेका थिए। त्यस्तै, ७५ के.जी. बेन्च प्रेसमा सुरेन लिम्बुले पहिलो स्थान हात पारे भने सुरज तामाङ र आशीष राई क्रमशः दोस्रो र तेस्रो स्थानमा रहे।

७५ के.जी. इन्क्लाइन प्रेसमा सुरेन लिम्बु पुनः विजेता बने भने आशीष राई दोस्रो र सुरज तामाङ तेस्रो भएका थिए। ४०-६० उमेर समूहको प्रतियोगितामा केशब श्रेष्ठ पहिलो, भोजकुमार मगर दोस्रो र बिक्रम लिम्बु तेस्रो स्थानमा रहे।

यस च्याम्पियनसिपसँगै भिजन जिमका बिनोद कुमारले २०८० को ५ औं मिस्टर कोशीको उपाधि जितेका थिए। मिस्टर कोशी सेकेन्ड रनर-अप केशव श्रेष्ठ २०६५ र बिक्रम ब्रन्च मेन्डल ६५ के.जी. तौलमा मिस्टर पूर्वाञ्चल २०६६ का विजेता हुन्।

कार्यक्रमले शारीरिक फिटनेस र स्वस्थ जीवनशैलीप्रतिको जनचेतनामा टेवा पुर्‍याएको भिजन फिटनेसका अध्यक्ष केशव श्रेष्ठको भनाइ छ ।