शुक्रबारदेखि ‘राजागंज’ प्रदर्शनमा

काठमाडौँ — दीपक रौनियार निर्देशित फिल्म ‘राजागंज’ शुक्रबारदेखि प्रदर्शनमा आएको छ ।

फिल्ममा २०७२ सालमा प्रधानमन्त्री केपी शर्मा ओलीले भाषण गरेको भिडियो समावेश गरेको भन्दै ‘राजागंज’लाई केन्द्रीय चलचित्र जाँच समिति (सेन्सर बोर्ड)ले प्रदर्शन अनुमति दिएको थिएन । पछि उक्त भिडियो र फिल्ममा प्रयोग हिन्दी भाषाहरू हटाउने सर्त मानेपछि सेन्सर बोर्डले प्रदर्शनको अनुमति दिएको थियो ।

 शुक्रबारदेखि प्रदर्शनमा आएको फिल्ममा अब ओलीले गरेको भाषणको अंश हुने छैन । फिल्ममाथि अंकुश लगाइएको भन्दै यतिबेला फिल्मकर्मीहरू आक्रोशित छन् ।

उनीहरूले सामाजिक सञ्जालमा सेन्सर बोर्डले गरेको निर्णयविरुद्ध आवाज उठाइरहेका छन् । ०७२ तिर मधेशमा भएको आन्दोलनमा फिल्म केन्द्रित छ । फिल्मले मधेशको मुद्दा उठाएको छ ।

फिल्ममा आशा मंग्राती प्रमुख भूमिकामा छिन् । त्यसैगरी दयाहाङ राई, निकिता चन्दक, विजय बराल, गौमाया गुरुङ लगायतका कलाकारको अभिनय छ ।