आज बुधवार बिहानै देखि ताप्लेजुङ रुटमा चल्ने यातायात सेवा ठप्प गरेका छन् । ताप्लेजुङ स्थित मुक्कुमलुङ पाथीभरा मन्दिर क्षेत्रमा रुख कटान तत्काल रोक्न माग गर्दै मुक्कुमलुङ बचाउ सङ्घर्ष समितिले बिरोध गर्दै मेची राजमार्ग र तमोर कुरिडोर बन्दको आव्हान गरेको छ ।
नियमित चल्ने सार्वजनिक यातायातका गाडीहरू आवत जावत ठप्प भएको छ । यातायात ठप्प हुँदा पहाडी क्षेत्रको जनजीवन प्रभावित भएको छ । व्यापारिक, व्यवसायीक र टाढाबाट आएका यात्रुहरू प्रभावित भएका हुन ।
वन कार्यालयको निर्देशनमा मुक्कुमलुङ क्षेत्रमा जबरजस्ती रातारात रुख कटान गर्न बल प्रयोग गरेकोमा सङ्घर्ष समितिले यातायात बन्द गरेको समितिले जनाएको छ । समितिका अनुसार यातायात बन्द आज र भोली जेठ २ र ३ गते हुनेछ ।
