इटहरी उपमहानगरपालिकाले ई- रिक्सा सिटी सफारीमा टाईम कार्ड सिस्टम लागू गरेपाछी अन्य पालिकामा दर्ता भएका प्रवेश गर्दा टाइम कार्ड आनिवार्य गरेका छन।
इटहरी उपमहानगपालिकाले सिटी सफारीलाई व्यवस्थित गर्नका लागि भदौ १७ गतेदेखि अन्य स्थानीय तहमा दर्ता भएकालाई इटहरीमा सञ्चालनमा रोक लगाएको थियो । त्यसपछि सुन्दरहरैंचा नगरपालिकासँगको समन्वयमा टाइम कार्ड लागु गर्ने सहमती भएको थियो ।
सिटी सफारी व्यवस्थित गर्दा शहरको सुन्दरतासँगै दुर्घटना न्यूनीकरण हुने र सडकमा सवारी आवगमनमा सहजता हुने भएकाले गर्दा टाइम कार्ड लागू गरिएको इटहरी उपमहानगरपालिकाले जानकारी दिएको छ। पछिल्लो पटक स्थानीय सरकारले कडाई गरेपछि सफारी व्यवस्थापनको पहल सुरु भएको हो ।
सिटी सफारी व्यवस्थित गर्नकै लागि इटहरी उपमहानगरपालिकाले अब इटहरी क्षेत्रमा बसोबास गर्नेको मात्र सफारी दर्ता गर्दै आईरहेको छ । इटहरी उपमहानगरपालिकामा दुई हजार सिटी सफारी दर्ता भएका छन् । सुन्दरहरैचामा दर्ता भएका बलिया, बासबारी, दुलारी र गछिया क्षेत्रका सफारीको कमाई गर्ने ठाउनै इटहरी रहेकोले यहाँका सफारी चालकहरु स्थीनीय सरकार संग रुष्ट छन बिदेशमा आधा जिन्दगी बिताएर देशमै गरि खान सफारी किनेको तर आफनै देश भित्र नै सफारी चलाउन नपाउदा निराश भएका एक चालकले बताएका छन।
