संजिता धमला
धरानः धरान उपमहानगरपालिकाले आगामी धरान दिवसको अवसरमा सार्वजनिक बिदा घोषणा गरेको छ।
धरान स्थापनाको १२४ औं वर्षगाँठ मनाउन यही मिति २०८१ साल पुस २० गतेदेखि २५ गतेसम्म “धरान उत्सव २०८१” को आयोजना भएको छ।
पुस २४ गते धरान उत्सवको समापन हुने र त्यस दिन धरान उपमहानगरपालिकामा बिदा दिने निर्णय भएको हो।
प्रशासन महाशाखा प्रमुख वेदप्रसाद सापकोटाद्वारा हस्ताक्षरित सूचनामा धरान उपमहानगरपालिका, नगर कार्यपालिकाका कार्यालय, मालपोत, स्वास्थ्य संस्थानहरू, धरानस्थित सरकारी तथा गैरसरकारी संस्थाहरू, विद्यालयहरू लगायतका कार्यालयहरूमा माघ ४ गतेका लागि सार्वजनिक बिदा दिने कुरा उल्लेख गरिएको छ।
धरान उत्सवको आयोजना धरान नगरवासीहरूको पहिचान र गौरवलाई उजागर गर्दै विभिन्न सांस्कृतिक कार्यक्रम, खेलकुद, तथा मनोरञ्जनात्मक गतिविधिहरूका साथमा सम्पन्न हुनेछ।
