धरानः धरान-१४ गणेशचोकमा धारिलो हतियारको प्रहारबाट २६ वर्षीय ओम सुनुवार घाइते भएका छन्। प्रहरीका अनुसार, धरान-१४ का दीपक परियारले पुरानो रिसीबीका कारण सुनुवारको टाउकोमा धारिलो हतियारले प्रहार गरेका थिए। घाइते सुनुवारको उपचार धरानस्थित बीपी प्रतिष्ठानमा भइरहेको छ भने हतियार प्रहारपछि परियार फरार रहेको र उनको खोजी भइरहेको प्रहरीले जनाएको छ।
यस्तै, धरान-६ पानवारीस्थित जनजागरण टोलमा ४२ वर्षीय नेत्रबहादुर मगर मृत अवस्थामा फेला परेका छन्। इलाका प्रहरी कार्यालय धरानका अनुसार, शारीरिकरूपमा राम्रोसँग हिँडडुल गर्न नसक्ने मगर आफ्नै घरको अगाडि रहेको कुलोमा मृत भेटिएका हुन्। मृतकको शव आफन्तले बुझेर लगेको जानकारी प्राप्त भएको छ।
