हतुवागढी: हतुवागढी-हसनपुर, भोजपुरमा हसनपुर सुनसरी सम्पर्क मञ्च नेपाल र Lions Club of Dharan Capable को संयुक्त आयोजनामा भएको बृहत आँखा शिविरमार्फत ट्रेसिङ्ग गरिएका ११ जना मोतीबिन्दु बिरामीको सफल शल्यक्रिया भएको छ।
शिविरको क्रममा पहिचान गरिएका बिरामीहरूलाई बिराटनगरस्थित रामलाल गोल्छा आँखा अस्पताल मा लगेर उपचार गरिएको थियो। शल्यक्रिया सफल भएको जानकारी अस्पताल प्रशासनले दिएको छ। बिरामीहरूलाई भोली बिहान डिस्चार्ज गरिने जानकारीसमेत संस्थाका सचिव सम्भु राइले वताए ।
यस शिविरले गाउँका स्थानीय बिरामीहरूको जीवनमा सुधार ल्याउन ठूलो योगदान पुर्‍याएको छ। आयोजक संस्थाहरूले यस्ता कार्यक्रमहरू आगामी दिनमा पनि निरन्तर गर्ने प्रतिबद्धता आँखा शिविरका संयोजक तथा प्रेसिडेन्ट Lions Club of Dharan Capable का एन सि राइले बिटिभिलाई बताएका छन्।

आँखा शिविरबाट उपचार पाएका स्थानीयहरूले निःशुल्क उपचारको अवसर उपलब्ध गराएकोमा आयोजक हसनपुर सुनसरी सम्पर्क मञ्च नेपाल र Lions Club of Dharan Capable संस्थाहरूलाई धन्यवाद दिएका छन्।
यस्ता कार्यक्रमहरूले समाजमा स्वास्थ्य सेवा पुर्‍याउने काममा ठूलो योगदान पुर्‍याउने विश्वास गरिएको संस्थापक पूर्व संयोजक ले बताए ।