संजिता धमला
धरानः धरान—३ स्थित कैलाश पथमा भयानक घटना घटेको छ। जानकी ज्वेलर्सका सञ्चालक ३६ वर्षीय अमृत रसाइलीले पारिवारिक कलहकै कारण आफ्नी श्रीमती सम्झना बराईलीको हत्या गरी आत्मसमर्पण गरेका छन्।
श्रीमतीको हत्या पछि अमृत आफैं प्रहरी कार्यालयमा गएर आत्मसमर्पण गरेका हुन्, यस घटनाको धरानको शान्ति सुरक्षामा प्रश्न खडा भएको छ।
अमृत र सम्झनाबीचको सम्बन्धमा लामो समयदेखि तनाव देखिँदै आएको थियो, र स्थानीयले उनीहरू आजै सम्बन्ध बिच्छेदका लागि अदालत जान तयारी गरेको बताए। तर, पारिवारिक विवादको यो निराशाजनक अन्त्यले दुःखद अवस्था निम्त्यायो, जहाँ दुई सन्तानले आफ्नी आमालाई गुमाए, र श्रीमानले कानूनी जिम्मेवारीको भारी बोकेर बाँच्नुपर्ने भयो। छिमेकि रमिलाले भनिन।
प्रहरीले सम्झनाको शवलाई मुचुल्का गरी पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान पठाएको छ। यस घटनाले समाजमा पारिवारिक सम्बन्धमा बढ्दो तनावको गम्भीरता, आपसी समझदारीको कमी, र घरेलु हिंसाको परिणाम कति दर्दनाक हुन सक्छ भन्ने कुरा उजागर गरेको छ।
यो घटनाले दुई निर्दोष नाबालक सन्तानलाई मातृविहीन बनाएको छ, जसले अब आफ्ना आमाबाबुको दुश्मनीको परिणामस्वरूप गम्भीर मानसिक र भावनात्मक आघात भोग्नुपर्ने छ। एक सन्तुलित जीवनको सपना बोकेका ती बालबालिकाको भविष्य अब अन्धकारमा डुबेको छ।
