धरानः अमर सेवा समाजको २८औँ वार्षिक साधारणसभामा संस्थाले केहि आर्थिक रुपमा विपन्न रहेका परिवारलाई खाद्यान्न वितरण गरिएको छ।
समाजका प्रमुख दाताहरूले स्वर्गीय पितृहरूको नाममा स्थापित अक्षयकोषबाट प्राप्त ब्याजद्वारा पाँच जना विपन्न वर्गका परिवारलाई सहयोग प्रदान गरेको हो।
धरान उपमहानगरपालिकाका प्रमुख प्रशासकीय अधिकृत भुपेन्द्र राईको प्रमुख आतिथ्य र वडा अध्यक्ष नेत्र प्रसाद काफ्लेज्यूको विशेष आतिथ्यमा सम्पन्न कार्यक्रममा समाजले विगतका योगदानकर्ताहरूलाई सम्मान पनि गरेको थियो।
उक्त अवसरमा अन्य विशिष्ट व्यक्तित्वहरूको उपस्थिति रहेको थियो, जसमा महन्त राई, बम देवमान भवन राई, जनककृष्ण राई, हरी ब. कार्की, सुम्मा सुवेदीलगायतका अतिथिहरूले समाजको योगदानको प्रशंसा गरे।
समाजले आफ्नो सामाजिक उत्तरदायित्वलाई निरन्तरता दिँदै खाद्यान्न सहयोगजस्ता क्रियाकलाप मार्फत समाजका विपन्न वर्गलाई राहत पुर्याउने कार्यमा सक्रिय भूमिका खेलिरहेको छ।
