३१श्रावण धरान : सुनसरी जिल्ला प्रशासनले सबै धार्मिक समुदाय  संस्थाहरुलाई संयमता अपनाउन अनुरोध गरेको छ ।
केही दिन अगाडी वंगलादेशमा भएको विकसित राजनीतिक घटनाले विभिन्न धार्मिक तथा राजनैतिक अतिवादी समुहहरुले चलखेल गर्ने सम्भावना रहेको भन्दै सुनसरी प्रशासनले सबै धार्मिक समुदाय र संस्थाहरुलाई संयमता अपनाउन आग्रह गरेको सुनसरी जिल्ला सहायक प्रमुख जिल्ला अधिकारी बेदराज फुँयालले बताए ।
सहायक प्रमुख जिल्ला अधिकारी फुँयालका अनुसार सबै समुदाय र संस्थाहरुलाई संयमता अपनाउन र बेमेल बढाउने खालका अभिव्यक्ति र गतिविधि नगर्न अनुरोध गर्दै, आ आफ्नो परम्परा र रिति रिवाज अनुसार गर्नुपर्ने कार्यक्रमबाहेक सामुहिकरुपमा भेला, जम्मा नहुन पनि जिल्ला प्रशासन कार्यालयले अनुरोध गरेको हो ।