२७ असार २०८१ धरान; मोरङको बेलबारी–३ मा कुकुरको टोकाइबाट पाँचजना घाइते भएका छन् ।घाइतेहरूको विराटनगरस्थित कोशी अस्पतालमा उपचार भइरहेको छ । घाइते हुनेमा बलबारी–३ का ८५ वर्षीया पदम बहादुर घिसिङ, उनकी श्रीमती ८० वर्षीया सावित्री घिसिङ, ७० वर्षबा तुलसी दाहाल, ६२ वर्षीय दिलबहादुर गुरुङ र ८४ वर्षीया धनमाया थापा रहेको मोरङका प्रहरी नायव उपरीक्षक ज्ञानेन्द्र बहादुर बस्नेतले जानकारी दिए ।
बाटोमा हिडिरहेका उनीहरुलाई ३÷४ वटा कुकुरले खेदाएर टोकेका थिए । ज्येष्ठ नागरिकहरू कुद्न नसकेर लड्दा मुखमा समेत टोकेको छ ।
पदम घिसिङको मुखमा, सावित्री घिसिङ दाहिने हात र तिघ्रामा, तुलसी दाहालको ओठमा, दिलबहादुर गुरुङको मुखमा र धनबहादुर थापा मगरको दाहिने हातको नाडीमा चोट लागेको छ ।