धरानः धरानमा हिँड्दै गरेका युवाको झोलामा लागूऔषध फेला परेपछि पाँचजना पक्राउ परेका छन् ।
पक्राउ पर्नेमा धरान–१९ बस्ने २१ वर्षी रोहित कार्की र सोही स्थानका १९ वर्षीय अनुराग राई रहेको प्रहरीले जनाएको छ । यस्तै, उदयपुर त्रियुगा नगरपालिका वडा नं. १२ बस्ने १८ वर्षीय मुकेश गुप्ता, २२ वर्षीय दीप्सन राई, १८ वर्षीय पुजन यादव रहेको प्रहरीले जनाएको छ ।
धरान–७ कोशी लोकमार्गमा हिँडिरहेका युवामा लागूऔषध फेला परेको प्रहरीले जनाएको छ । कोशी लोकमार्गमा विशेष सूचनाको आधारमा वडा प्रहरी कार्यालय धरानबाट प्रहरी नायव निरीक्षक रुद्रबहादुर खड्काको कमाण्डमा खटिएको प्रहरी टोलीले झोला कानुन बमोजिम चेकजाँच गर्दा झोलाभित्रबाट प्रतिबन्धित औषधी स्पासपेन– ३०० ट्याब्लेट र लागू औषध ट्रामाडोल– ३०० ट्याब्लेट फेला परेको प्रहरीले जनाएको छ ।
उनीहरूलाई पक्राउ गरी इलाका प्रहरी कार्यालय धरानले थप अनुसन्धान अघि बढाएको प्रहरीले जनाएको छ ।
