तेह्रथुमः टिकटक बनाउने क्रममा तेह्रथुमको मेन्छ्यायेम गाउँपालिकास्थित खोरुङगा खोलामा शनिबार अपराह्न दुई जनाको ज्यान गएको छ।
शिक्षिका रबिना राजवंशी र कक्षा ७ मा अध्ययनरत १२ वर्षीया सुस्मिता भट्टराईको खोंचमा खसेर घटनास्थलमै निधन भएको हो।
स्थानीय गौखुरी माविमा नर्स शिक्षिकाका रूपमा कार्यरत रबिना राजवंशी आफ्ना विद्यार्थीहरूसँग शनिबारको बिदामा खोलामा पौडी खेल्न गएकी थिइन्। मनोरञ्जनका लागि टिकटक बनाउने क्रममा राजवंशी र भट्टराई दुबै खोरुङगा खोलाको खोंचमा खसेको प्रहरी नायव उपरीक्षक चिनीमाया तामाङले जानकारी दिइन्।
गाउँपालिका अध्यक्ष यादवबहादुर खापुङका अनुसार घटनास्थलमा नै दुबैको मृत्यु भएको थियो। मृतकका शवलाई खोंचबाट निकालेर खोला बगरमा ल्याइएको छ।
यो घटनाले मनोरञ्जनका लागि गरिने गतिविधिमा सचेत रहनुपर्ने र सुरक्षा सावधानी अपनाउनुपर्ने आवश्यकता औंल्याएको छ। स्थानीय बासिन्दा र विद्यालयमा यो दुःखद घटनाले शोक छाएको छ।
