धरानः गरीमा विकास बैंक लिमिटेड, विराटनगर शाखाले प्रहरी कर्मचारीहरूलाई लक्षित गरी डिजिटल वित्तीय साक्षरता सम्बन्धी प्रशिक्षण कार्यक्रम सम्पन्न गरेको छ।
कोशी प्रदेश प्रहरी कार्यालयको सभाहलमा आयोजित कार्यक्रमको प्रमुख आतिथ्य कोशी प्रदेश प्रहरी वरिष्ठ उपरीक्षक भीम बहादुर दहालको रहेको थियो ।
प्रशिक्षणका क्रममा क्षेत्रीय कार्यालय इटहरीका सूर्य प्रसाद पौडेलले प्रहरी कर्मचारीहरूलाई डिजिटल बैंकिङ र बैंकिङ सुरक्षासम्बन्धी महत्वपूर्ण जानकारी प्रदान गरे। साथै, उपस्थित प्रहरी कर्मचारीहरूबाट आएका जिज्ञासाहरूको उत्तर दिनुका साथै उनीहरूलाई डिजिटल बैंकिङ सुरक्षामा सचेत गराए।
कार्यक्रमको प्रमुख अतिथि दहालले यस प्रकारको कार्यक्रमले प्रहरी कर्मचारीहरूलाई डिजिटल बैंकिङ र सुरक्षाबारे सचेतना बृद्धि गराएको उल्लेख गर्दै प्रशिक्षक र आयोजकलाई विशेष धन्यवाद व्यक्त गरे।
कार्यक्रममा प्रहरी उपरीक्षक दिपक पोखरेल, गरीमा विकास बैंक लिमिटेड, विराटनगर शाखाका प्रबन्धक रक्षा भट्ट, कर्जा अधिकृत रिजन लम्साल, र अन्य प्रहरी कर्मचारीहरूको उपस्थिति रहेको थियो।
