इटहरी – किरात राई यायोक्खा इटहरी वडा नं. ७ को पहिलो अधिवेशन साकेला संरक्षण भवन, इटहरीमा सम्पन्न भएको छ। सर्वसम्मत रूपमा विसन राई अध्यक्षमा चयन भएका छन्।
अधिवेशनबाट ११ सदस्यीय कार्यसमिति गठन गरिएको छ, जसमा उपाध्यक्षको रूपमा प्रविना राई, सचिव सेवाहाङ राई, सह-सचिव सपना राई, र कोषाध्यक्ष रमला राई चयन भएका छन्। सदस्यहरूमा सरिता, सुवास, कल्पना, विनोद, बबिना, र देव कुमारी राई रहेका छन्।
शपथ ग्रहण समारोहमा सुम्निमा र पारुहाङलाई साक्षी राखेर नव निर्वाचित पदाधिकारीहरूले जिम्मेवारी सम्हाले। अध्यक्ष विसन राईले आफ्नो जाति, भाषा, र पहिचानको संरक्षणका लागि निरन्तर प्रतिबद्ध रहँदै कर्तव्य पूरा गर्ने बताएका छन्।
