झापगौरादह-३ स्थित कोशी प्रदेशका मुख्यमन्त्री हिक्मत कुमार कार्कीको निवास अगाडि शंकास्पद वस्तु फेला परेको छ, जसले सुरक्षा निकायहरूलाई सतर्क बनाएको छ।
सिरिसको रुखमुनी भेटिएको उक्त वस्तु कागजमा पोको पारेर तारले बेरिएको अवस्थामा थियो। कागजमा “दुर्गा माताकी जय” लेखिएको छ, जसले घटनालाई थप रहस्यमय बनाएको छ।
स्थिति थप जोखिमपूर्ण हुनसक्ने शङ्कामा, नेपाली सेनाको चारआलीस्थित अरिदमन गणबाट डिस्पोजल टोली उक्त स्थानतर्फ परिचालित भइसकेको छ। यसैबीच, प्रहरी पनि कसले र किन यो वस्तु त्यहाँ राख्यो भन्ने विषयमा गहिरो अनुसन्धानमा जुटिसकेको छ।
