संजिता धमला
धरानः इलाका प्रहरी कार्यलय धरानका इन्स्पेक्टर दिवश कुवँरले “सुर्तिजन्य र मदिराजन्य वस्तु बालबालिकालाई किन्न र बिक्री गर्नु लगाउनु दुबै आपराधिक लापरबाही हो” भन्दै अभिभावक र समाजलाई सजग रहनुपर्नेमा जोड दिए।
धरान-१ स्थित युरेका माध्यमिक विद्यालयमा एक दिने लागुऔषध दुर्व्यसन रोकथामसम्बन्धी अभिमुखीकरण कार्यक्रम बोल्दै कार्यक्रमका प्रमुख वक्ताका रूपमा रहेका इन्स्पेक्टर कुवँरले सो कुरा बताएका हुन्।
धरान-१ वडा कार्यालयको आयोजना र संजीवन केन्द्र धरानको सहयोगमा सम्पन्न भएको हो। इन्स्पेक्टर कुवँरले युवाहरूमा बढ्दै गएको लागुऔषध दुव्र्यसनको भयावह अवस्थाबारे चर्चा गर्दै समस्या रोक्न कडा कानुनी कारबाही र सामाजिक जागरूकताको खाँचो रहेको बताए। उनले लागुऔषध नियन्त्रण ऐन २०३३ र सुर्तिजन्य पदार्थ नियन्त्रण तथा नियमन ऐन २०६८ लाई उदाहरण दिँदै बालबालिका र युवाहरूलाई यस्तो गतिविधिमा फस्नबाट जोगाउन अभिभावक र समाजको महत्वपूर्ण भूमिका रहेको बताए। बिद्यालय र अस्पताल १ सय मिटर वरपर सुर्तिजन्य बस्तु बिक्रि वितरण गर्नु नमिल्ने कानुनि व्यवस्था रहेको समेत बताए। उनले भने “ बालबालिकालाई सामान्य चुरोट, खैनि र वियर किन्न पठाउॅदा बच्चामा उत्सुकता हुन्छ तसर्थ यस्ता गतिविधि रोक्नुपर्छ।”
कुवँरले धरानमा लागुऔषध नियन्त्रणका लागि प्रहरीले विभिन्न अभियान सञ्चालन गरेको जानकारी पनि दिए र अभिभावक, शिक्षक, र समाजका सबै क्षेत्रबाट सहयोगको अपेक्षा राखे।
