चौथो बिक्रम राई स्मृति भेट्रान फुटबल प्रतियोगितामा आज दुई खेल भएको छ । हाम्रो इटहरी भेट्रानले एभरेस्ट भेट्रान मोरङलाई ४-१ गोल अन्तरले हरायो भने दोस्रो खेलमा कन्काई भेट्रान झापाले पनि कटारी टाईगर्स भेट्रान उदयपुरलाई ४-१ गोल अन्तरले नै पराजित गरेको छ।
शनिबार भएको पहिलो खेलमा हाम्रो इटहरी भेट्रानले एभरेस्ट भेट्रान बिरुद्व जर्सि न ३ का दिपेन राईले ह्याट्रीक गरे भने जर्सी न. ७ का संन्तोष राईले १ गोल गरेका थिए भने एभरेस्ट भेट्रानको तर्फबाट जर्सी न १० का मन्दिप राईले एक गोल फर्काएका थिए ।
आजको पहिले खेलको म्यान अफ द म्याच हाम्रो इटहरी भेट्रानका जर्सी न ३ का दिपेन राई घोषित हुदै नगर २ हजार १ सय हात पारे भने दोस्रो खेलको म्यान अफ द म्याच कन्काई भेट्रान झापाका जर्सी न १४ का धन बहादुर गुरुङ्ग घोषित हुउदै उनले पनि नगद २ हजार १ सय प्राप्त गरे ।
आजको दोस्रो खेलमा कटारी टाईगर्सलाई हराउन कन्काई भेट्रान झापाका जर्सी न ७ का खेलाडी नन्दु मुर्मुरले खेलको दोस्रो हाफको २ मिनेटमा नै गोल गरे भने खेलको ६ औ मिनेटमा जर्सि न २ का ज्योति उप्रेती र जर्सी न १४ का धनबहादुर गुरुङले दोस्रो हाफकै १४ औ र २२ औ मिनेटमा थप २ गोल गर्दै आफ्नो टिमलाई ४-१ गोल अन्तरले जित दिलाउन सफल भए ।
उक्त प्रतियोगितामा १२ टिम सहभागी हुनेछ र प्रथम पुरस्कार १ लाख ५ हजार, दृतिया पुरस्कार ६० हजार ट्रफी रहेको आयोजकले जानकारी दिएको छ।
