धरान: पेटको क्यान्सर बाट पीडित सञ्चारकर्मी सन्जिव कोयु राईलाई फोटो पत्रकार महासंघ सुनसरीले आर्थिक सहयोग गरेको छ।
लामो समयदेखि पेटको क्यान्सरबाट पीडित धरानका सञ्चारकर्मी राईलाई नेपाल फोटो पत्रकार महासंघ सुनसरीले आज धरानमा एक कार्यक्रम गरी ४१ हजार रुपैयाँ आर्थिक सहयोग हस्तान्तरण गरेको छ ।
नेपाल फोटो पत्रकार महासंघ सुनसरीले २०७९ सालमा खेलेको देउसीभैलो कार्यक्रमबाट सङ्कलित १० हजार रुपैयाँ, नेपाल फोटो पत्रकार महासंघका पदाधिकारी, सल्लाहकार र डिपो स्कुलका स्टाफबाट सङ्कलित सहायता रकम हस्तान्तरण गरिएको हो ।
काठमाडौंमा उपचाररत सञ्चारकर्मी राईलाई नेपाल पत्रकार महासंघ सुनसरीका अध्यक्ष जनकऋषि राईमार्फत् रकम प्रदान गरिएको अध्यक्ष विकास चाम्लिङ राईले जानकारी दिए ।
